Klêi tơmâng mâu tơdroăng tối tơbleăng, tối mơgêi hâi pêi cheăng dêi pôa Phạm Minh Chính, Ngế pro xiâm hnê ngăn tơnêi têa tối nhên, xing xoăng tíu pêi cheăng dêi tơnêi têa râ tơring, râ cheăm kum tơkŭm mơngế pêi cheăng, pơtối rak vế pêi hnoăng cheăng ki rơkê, ki pơxúa, pro tơ’lêi pơtối rak tơnêi, kong kế, mơngế pêi cheăng ƀă tơ’mot khu ‘no liăn cheăng. 

Tung la ngiâ, Ngế pro xiâm hnê ngăn tơnêi têa pâ thế tơkŭm hnê mơho, mâu tơdroăng cheăng pêi ki kal tung mê tối nhên, tơkŭm pêi tro tơdroăng hnê tối, pro ki môi tuăn mơdêk hlê plĕng, ki môi tuăn tung mâu râ kuăn pơlê a cheăm, tơring, kal tối tơbleăng pêi tŭm, mơnhên, mơ-eăm mơhnhôk vâ môi tuăn tung tâi tâng khu cheăng kal kí, môi tuăn dêi rơpó tơdroăng veăng môi tuăn dêi kuăn pơlê.

Thế veăng tơmâng nhên khât, hnoăng cheăng ƀă hlối tơrŭm nhên khât dêi mâu khu xiâm, kơvâ cheăng xiâm ƀă kong pơlê, malối cho râ kăn Đảng, mâu kăn a cheăm, tơring, kong pơlê mơhno xoăng.