Xông tơpui a hneăng hôp pôa Phạm Minh Chính, Ngế pro xiâm hnê ngăn tơnêi têa tối rơdêi, tơdroăng pêi pro séa ngăn ƀă Khu pơkuâ hnê ngăn cheăng Đảng kong pơlê, Khu pơkuâ hnê ngăn cheăng Đảng pơlê kong kơdrâm, kong kân mê cho: Pơlê kong kân Hồ Chí Minh, Bà Rịa – Vũng Tàu cho hnoăng cheăng ki kal, kal pêi ôh tá tơdjâk pakong, pêi xêh, kal pêi lĕm tro tơdroăng séa ngăn, mơnhông pơkâ pơkuâ hnê mơhno dêi Đảng, pơkâ pêi cheăng dêi Đảng tung mê ai kheăn tối ƀă hvái ngăn dêi tơdroăng cheăng kal hbrâ, ki má lối cho tơdroăng séa ngăn mâu râ đảng ing râ kong pơlê troh tíu cheăng, ki rơhêng vâ tối cho ing tíu pêi cheăng pơlê pơla xua kuăn pơlê cho a tíu pêi cheăng ƀă pơkâ má mơ’nui dêi Đảng cho tơniăn gâk kring, tơniăn lâp pơlê pơla, gâk kring tơniăn hnoăng pơkuâ lâp tơnêi tơníu, vâ kuăn pơlê châ tơniăn, hơtô, hơniâp lĕm.

Ngế pro xiâm hnê ngăn tơnêi têa pơkâ thế klêi kơ’nâi hneăng hôp kố, mâu kong pơlê thâ mơjiâng tơbleăng tiô đê cương, hlối ai mâu mơ-éa chêh ki kal, pơtroh Khu séa ngăn hriăn plĕng; tơdrêng amê, xing xoăng hnoăng cheăng i nhên ăm mâu khu tơrŭm cheăng, ngế krê pro xiâm kối ki tơpui, tơrŭm Khu râ kăn séa ngăn tung tơdroăng pêi cheăng.