Teăng mâ Đảng ủi Kuô̆k hô̆i, pôa Đỗ Văn Chiến - Phŏ kăn hnê ngăn Kuô̆k hô̆i hiăng tơbleăng rĕng mâu tơdroăng dêi hneăng hôp mâu kăn tung lâp tơnêi têa rôh má 14 dêi Đảng. ‘Na tơdroăng pơkâ pêi vâ mơnhông cheăng kâ hơnăm 2026-2030 ƀă mâ ngăn hơnăm 2045, tơbleăng hiăng tối 5 troăng vâ pêi ki kân, tung mê tối nhên, pơla hơnăm 2026 - 2030  kal tơkŭm pêi tơbrê rơdêi a 3 tơdroăng ki pơkâ: tơƀrê ‘na luât ƀă pêi pro: pê klêi tơdâng mâu luât; mơdêk ki tơƀrê tung luât pơkâ tŏng gum; mơdêk rak luât; tơniăn tiô troăng hơlâ ki kân, xiâm liăn ngân ƀă luât séa ngăn pêi pro; mơdêk ‘mâi hơ’lêh cheăng; mơjiâng Chin phuh kơxô̆; xo ki tơƀrê pêi cheăng ăm kuăn pơlê ƀă khu mơdró pro loăng rek ki vê hdró.

Tơniăn lĕm hneăng hôp 14 mơhno tuăn loi tơngah khât, tuăn mơ-eăm ƀă mâ ngăn mơnhông tơƀrê nếo dêi Đảng ƀă hdroâng mơngế. Kố cho xiâm ki krá kak vâ tâi tâng Đảng, tâi tâng kuăn pơlê, tâi tâng mâu lêng pin pơkuâ pêi dêi, khên tơnôu, bro dêi tơná rế hía rế ó rơdêi, xông rơdêi tung rơxông nếo, pê klêi tơdroăng Pơkâ hneăng hôp 14. Xua môi tơnêi têa Việt Nam hơniâp, tơniăn krê, kuăn pơlê môi tuăn, kro mơdrŏng, rơkê plĕng hơniâp ro