VOV4.Xơ Đăng - Mơnhông mơdêk cheăng kâ – rêh ối pơlê pơla rĕng, krá tơniăn, tŭm têk ing tơdroăng tơkŭm mơngế vâ mơnhông mơdêk mâu kơvâ cheăng ki mơnhông tơtêk, tơ’lêi hlâu tơbriât cheăng. Mơjiâng pơlê kong kơdrâm Ƀuôn Ma Thuột cho tíu xiâm dêi kơpong Tây Nguyên ƀă kong prâi ngiât lĕm – Tiô rơxông nếo – rơkê, tiú kuăn pơlê rêh ối – tê mơdró kơdrâm rơkê – tíu mot lo dêi kơpong Tây Nguyên mot tơrŭm ƀă kơpong ƀă lâp plâi tơnêi.

Kố cho troăng tơmiât mơnhông mơdêk dêi kong pơlê Dak Lak châ tơpui a hneăng hôp tơpui tối tơbleăng pơkâ rah xo kăn pêi cheăng kong pơlê Dak Lak hneăng hơnăm 2021 – 2030, tơmiât pêi troh hơnăm 2050 xua Vi ƀan kong pơlê Dak Lak tơkŭm po hâi lơ 16/3.

Hneăng hôp tơpui tơno rah xo mâu kăn pêi cheăng kong pơlê Dak Lak hneăng hơnăm 2021 – 2030, tơmiât rah xo mâu kăn pêi cheăng troh hơnăm 2050

Vâ mơnhông mơdêk, mâu kăn teăng mâ tối: kong pơlê Dak Lak kal thăm rĕng mơ’no liăn mơjiâng pro mâu kế tơmeăm khoăng, tơdroăng tơkêa bro ki tơtêk, ki xiâm vâ thăm mơnhông tơrŭm kơpong, ki rơhêng vâ tối cho Tíu xiâm tơ’noăng ivá kơpong Tây Nguyên, troăng prôk pakĭng peăng mâ hâi lo pơlê kong kơdrâm Ƀuôn Ma Thuột – Nha Trang, troăng tơdjêp Tuy Hòa - Ƀuôn Ma Thuột; tơkŭm mơnhông mơdêk khoa hok ƀă kŏng nhê̆, ki rơhêng vâ tối cho kŏng ngê̆ thông tin.

Rơtế amê, kong pơlê kal mơjiâng troăng hơlâ hnê mơjiâng mơngế pêi cheăng ƀă troăng hơlâ mơhnhôk mơngế pêi cheăng ki rơkê.

A Sa Ly tơplôu ƀă tơbleăng