VOV4.Xơ Đăng - Pơtối tơdroăng Hneăng hôp vâi kơdrâi lâp tơnêi têa roh má 13, kơxê măng lơ 10/3, tơkŭm po Hneăng hôp Khu xiâm pơkuâ tơnêi têa Khu vâi kơdrâi Việt Nam hneăng má 13 roh má môi hneăng hơnăm 2022 – 2027. Hneăng hôp ai kăn teăng mâ mâu Khu xiâm pơkuâ Đảng ƀă 132/155 ngế pêi cheăng tung Khu pơkuâ veăng (châ 85%). Hneăng hôp hiăng tơkŭm tơpui tơno kuăn pơlê pơkuâ dêi hnoăng cheăng ƀă hiâm mơno kuăn pơlê pơkuâ dêi hnoăng cheăng mơjiâng ‘na Tơdroăng tơkêa bro rah xo mâu ngế tung Khu hnê ngăn, Tơdroăng tơkêa bro rah xo Kăn hnê ngăn, Kăn phŏ hnê ngăn Khu pơkuâ vâi kơdrâi Việt Nam hneăng má 13, hneăng hơnăm 2022 – 2027.

A hneăng hôp, 100% kăn cheăng tung Khu pơkuâ ai mâ hiăng têk kŏng môi tuăn 31 ngế kăn teăng mâ châ rah xo tung Khu hnê ngăn tơnêi têa Khu pơkuâ vâi kơdrâi Việt Nam hneăng má 13, 100% kăn cheăng tung Khu pơkuâ ai mâ hiăng têk kŏng môi tuăn rah xo jâ Hà Thị Nga, Kăn cheăng tung Tíu xiâm Đảng, Kăn teăng mâ Kuô̆k hô̆i hneăng má 15, Kăn hnê ngăn Khu pơkuâ vâi kơdrâi Việt Nam hneăng má 12 cho Kăn hnê ngăn Khu pơkuâ vâi kơdrâi Việt Nam hneăng má 13.

A Sa Ly tơplôu ƀă tơbleăng