Tơdroăng kố xua Khu kăn pơkuâ hnê ngăn Đoân Droh rơtăm, Khu pơkuâ ngăn vâi droh rơtăm Việt Nam kong pơlê Gia Lai tơrŭm ƀă Khu  tơrŭm ngăn vâi droh rơtăm Việt Nam pơlê krâm 12, Pơlê kong kân Hồ Chí Minh tơkŭm po a hngêi trung râ má môi Võ Văn Kiệt, cheăm Ia Dơk, tơring Đức Cơ, tơdroăng ki po mê hơniâp ro, sôk suâ ƀă cho hâi tơkŭm xah ôm hêi ăm mâu vâi o hdrêng.

Khu hnê mơhno hiăng tơkŭm hên tơmeăm ki ai pơxúa, môi tiah hneăng ‘mâi rơnêu hngêi tơrŭm tuăn ăm mâu rơpŏng xahpá, pơcháu 1 rơpâu kơxop hlá mơ-éa ăm Khu hnê ngăn Đoân Droh rơtăm tơring Đức Cơ vâ pêi pro Tơdroăng “Xua tŏng gum mâu vâi o ki mơjo pâ”, 5 hnoăng liăn hriâm ăm hok tro ki kơhnâ mơ-eăm hriâm rơkê ƀă 20 hnoăng tơmeăm ăm hok tro ki xahpá a cheăm Ia Dom, cho tíu tơkăng kong, khu kố hiăng mơjiâng hên mâu tơdroăng ki ai pơxúa kân khât: diâp 400 plâ hlá cơ Tơnêi têa, 30 kơthung têa tôu ro ăm vâi o hdrêng, 50 hnoăng liăn ăm mâu rơpŏng xahpá ƀă pơkâ pêi pro hnoăng cheăng “Krâ pul on bâ eăng troăng tíu tơkăng kong”. Tơdrêng amê, 200 ngế kuăn pơlê châ khăm pơlât ôh tá hrê ‘no liăn ngân.