Tơdroăng kố veăng ai mâu ki teăng mâ Tíu xiâm Đoân droh rơtăm kŏng sản Hồ Chí Minh, mâu kăn kong pơlê, mâu khu xiâm kơvâ cheăng ƀă vâ chê 2.000 ngế đoân viên droh rơtăm mâu hdroâng kuăn ngo tung kong pơlê Dak Lak.

Tung chôu phut nhoăm pâ hmái hơtĭng dêi rôh leh tơbâ, Kăn xiâm dêi khu pơkuâ ngăn Đoân Droh rơtăm kong pơlê Dak Lak tơbleăng hnoăng tơnêi têa a tơnâp mâu ngế ki hlâ ai hnoăng tơdroăng hiăng châ pêi pro tung măng tĭng “Mơnê kơ mâu ngế ai hnoăng”, “Ai tơdroăng niân tiah hâi kô kơnôm ai hnoăng vâi krâ nah” dêi hơnăm ối nếo kong pơlê.

Ing mê, mâu rơxông nếo Dak Lak hiăng tơkŭm lăm pôu, hbru tơmeăm ăm lối 2 rơpâu 700 kơxu tơmeăm ăm mâu rơpŏng ai hnoăng ki tro ro râ châi tamo, Jâ Nôu Việt Nam khên tơnôu kơnâ lối 800 rơtuh liăn. Mơhnhôk tăng lối 500 ngế đoân viên droh rơtăm veăng kum, mơhnhôk ‘mâi pro hngêi ăm mâu rơpŏng ai hnoăng ki kơtiê, mâu tro rong râ, châi tamo râ xua tơplâ, mâu ai hnoăng kăch măng; lối 3 rơpâu ngế đoân viên droh rơtăm veăng rak ngăn mơgrúa văng ilâng kiâ. Pơtối mê, mâu kăn rơtế ƀă mâu đoân viên hiăng pleăng reăng chôu nhang ƀă têk on a tơnâp mâu ngế hlâ ai hnoăng tơnêi têa dêi kong pơlê.