VOV4.Xơ Đăng - Tơkâ luâ mâu tơdroăng pá puât dêi pơreăng COVID-19, mâu đoân viên, droh rơtăm tung lâp tơnêi têa hiăng pơkâ pêi pro hên mâu tơdroăng cheăng ki rơkê, hloh hlê chal nếo, veăng kum kuăn pơlê ki tro tâ pơreăng COVID-19 [ă khu [ok thái pơkeăng ki dế trâm pá xua dế khăm pơlât mơngế tamo châi ki lối kơdrâm. Tơdroăng mê vâ mơhno tối tơdroăng ki hloh rơkê, tơtro khât dêi khu rơxông nếo tung rêm tơdroăng cheăng [ă châ mơnhên mê cho tơdroăng cheăng ki châ tơ-[rê khât.

Khế 5/2021, tơdroăng ki droh rơtăm pleăng dêi hnoăng cheăng mâu kong pơlê peăng Kơnho\ng tơbleăng hên tơdroăng ki veăng tơlo liăn, to\ng veăng [ă kum kế kâ, kên pâng rơkong môh, têa pơkeăng kơdê pơreăng troh mâu kong pơlê Hà Nam, Vĩnh Phúc, pơlê kong kân Hà Nội. Tung mê, môk ki kơdât têa hé xơte\ng châ mâu đoân viên droh rơtăm pro le\m krá hiăng pro ai pơxúa khât tung tơdroăng ki kơdroh pơreăng tâ tú. Bu tung pơla 3 hâi pêi cheăng Đinh Thị Ngọc Thảo, rơtế [ă mâu droh rơtăm tung khu ki pleăng dêi hnoăng cheăng Ký túc xá Pháp Vân, Hà Nội hiăng pro 1 rơpâu to môk ki kơdât têa hế xơte\ng pơtroh ăm tíu ki ai pơreăng:

‘’Xâp a châ mơngiơk ếo ngiât dêi khu droh rơtăm, khu ngin kố phiu ro khât drêng châ Tíu xiâm ho#i [ă mâu khu ki pleăng dêi hnoăng cheăng pơcháu ăm pro kế ki tât têa hé xơte\ng, [ă rơhêng vâ châ veăng kum iâ ivá veăng tung hnoăng cheăng hbrâ tơplâ mơdât pơreăng”.

Tung pơla ai pơreăng COVID-19 tâ tú rơ-iêo, hơnăm ối nếo lâp tơnêi têa ối tơbleăng hên kế tơmeăm ki rơkê ple\ng ki ê to\ng kum kuăn pơlê tro tâ pơreăng COVID-19 [ă kăn [o# ki hbrâ mơdât tơplâ mơdât pơreăng. Mê cho mâu xoăng koi ki pro [ă Caton kum ăm mâu kơpong ki klâ ối krê tơku\m; mâu kơbong ki toê xo têa môh rơkong rơngiâp vâ séa ngăn pơreăng ăm mâu ngế cheăng ‘na khăm pơlât lơ ‘’Ếo ki xâp ăm gá rơngiâp’’ pro kơdroh ki tô ăm khu cheăng ‘na khăm pơlât pâk xo têa môh rơkong vâ séa ngăn pơreăng tung pơla kong tô mơdrăng [ă hên ki ê. Mâu kế tơmeăm ki rơkê ple\ng ai pơxúa veăng kum ivá ăm khu lêng ki hbrâ tơplâ mơdât pơreăng.

Drêng kơxo# ngế F0 a Hà Nội tâk hên tung pơla apoăng hơnăm 2020, Đoân droh rơtăm, Khu pơkuâ ngăn droh rơtăm Hà Nội hiăng tơbleăng túa pơkâ ATM oxy, djâ oxy kum kuăn pơlê F0 pơlât a hngêi. Nâ Nguyễn Thị Phương Dung, Kăn pơkuâ ngăn Đoân droh rơtăm pơlê krâm Tây Hồ ăm ‘nâi: túa pơkâ ATM oxy rế kum kuăn pơlê hmiân tuăn pơlât a hngêi, rế pro kơdroh iâ ki hâ ho a hngêi pơkeăng ăm ‘nâi:

TĐ3: ‘’ Đoân droh rơtăm a kơpong kuăn pơlê rêh ối pêi pro hên hnoăng cheăng to\ng kum hbrâ tơplâ mơdât pơreăng dêi pơlê krâm. Droh rơtăm veăng tung mâu troăng to\ng kum F0, pơto chơ oxy ngiât troh a hngêi, tơdjêp [ă mâu Khu [ok thái pơkeăng hơnăm ối nếo, Tổng đài 1022 kum mâu ngế ki pơlât a hngêi. Pak^ng tơdroăng ki mơjiâng mâu droh rơtăm to\ng kum pâk, mơhnhôk mâu veăng kum mâu kế tơmeăm ki kal ăm mâu ngế pơlât a hngêi’’.

Ôh ti xê to rơkê ple\ng tung mâu tơdroăng cheăng to\ng kum kuăn pơlê F0 [ă mâu ngế ki hbrâ tơplâ mơdât pơreăng, tung lối 2 hơnăm hdrối nah, ai lối rơpâu ngế droh rơtăm cho [ok thái pơkeăng hơnăm ối nếo, sinh viên kơvâ khăm pơlât, mâu ngế ki xâp a châ tơná mâu ếo blue rơbông hiăng lăm pleăng dêi hnoăng cheăng hbrâ tơplâ mơdât pơreăng. Lối 2 khế pleăng dêi hnoăng cheăng a Pơlê kong kân Hồ Chí Minh rơtế [ă mâu ngế ki tro tâ pơreăng tơplâ mơdât [ă pơreăng COVID-19, Thak sih, {ok thái pơkeăng Đỗ Doãn Bách, Vie#n Tim mạch, Hngêi pơkeăng Bạch Mai ‘nâi nhên mâu tơdroăng ki rơhêng vâ dêi mâu ngế ki tro tâ pơreăng cho F0 dế pơlât a hngêi, drêng a mâu hngêi pơkeăng hên luâ kuăn pơlê mot pơlât xua tâ pơreăng.

{ok thái pơkeăng Đỗ Doãn Bách rơtế [ă mâu [ok thái pơkeăng ki ê mơjiâng [ă pêi pro ‘’Tơdroăng ki [ok thái pơkeăng rơtế prôk’’ a chê, tiâ mơnhên ăm 150 rơpâu ngế F0 pơlât a hngêi:

‘’ Tung rôh ki lăm troh a mâu kong pơlê peăng hdroh hbrâ tơplâ mơdât pơreăng, á rơhêng vâ châ pleăng dêi hnoăng cheăng, rơhêng vâ châ to\ng kum rêm ngế. Tung pơla rôh ki mê nah tơdroăng ki rơtế prôk nếo châ mơjiâng, á châ xo hên rôh krếo phôn dêi kuăn pơlê, á loi tơngah á chiâng vâ to\ng kum, hơlêm vâi tiâ mơnhên ăm mâu ngế ki tro pơreăng. Tung tơdroăng ki [ok thái pơkeăng rơtế prôk, á xuân veăng rak vế hnoăng cheăng rah xo [ă hnê ăm mâu ngế cheăng ‘na khăm pơlât tiâ mơnhên, to\ng kum mâu ngế ki pơlât a hngêi. Nôkố, tơdroăng ki mê ai dâng 12 rơpâu ngế droh rơtăm [ă mâu ngế cheăng ‘na khăm pơlât’’.

Ôh ti xê to rơkê ple\ng vâ hmâ tung pơla ai pơreăng kân, hơnăm 2021, hơnăm ối nếo Việt Nam pơkâ mơ’no 2,2 rơtuh ki tơche\ng tơmiât rơkê ing mâu tơdroăng cheăng, tung mê lối 74 rơpâu túa tơche\ng tơmiât rơkê châ khu tơru\m rêm râ Đoân to\ng kum, pêi pro. Tiô ngoh Ngô Văn Cương, kăn pơkuâ ngăn Tíu xiâm Đoân droh rơtăm Ko\ng san Hồ Chí Minh: Khu tơru\m đoân đi đo pro mâu tíu ki xah hêi, mâu tơdroăng cheăng vâ ăm mâu vâi pú ai rôh mơdêk ki rơkê ple\ng [ă to\ng kum pêi pro túa tơche\ng tơmiât rơkê mê:

Tíu xiâm Đoân ai Cổng thông tin đie#n tưh tơku\m tâi tâng mâu túa tơche\ng tơmiât rơkê dêi mâu vâi pú hơnăm ối nếo tung lâp tơnêi têa. Klêi mê, ngin pơháu ăm mâu kong pơlê, pơlê kong kân séa ngăn mâu túa tơche\n tơmiât mê vâ pêi pro chiâng tơdroăng ki ai khât vâ rơtế to\ng kum, pro ivá mê ah mâu troăng hơlâ vâ ăm mâu vâi pú pêi pro mâu tơdroăng tơche\ng tơmiât rơkê mê.

{ă tơdroăng to\ng kum dêi khu tơru\m Đoân, tung rêm kơvâ cheăng , hơnăm ối nếo Việt Nam kô đi đo mơdêk ivá rơkê, tơdroăng ki rơhêng vâ pleăng dêi hnoăng, veăng kum ivá dêi hơnăm ối nếo mơnhông mơdêk tơnêi têa.

Phương Thoa chêh

Katarina Nga tơplôu [ă tơbleăng