Tơbleăng a rôh Hôp, pôa Phạm Minh Chính, Ngế pro xiâm hnê ngăn tơnêi têa tối ƀai hriâm tung rôh tơrŭm cheăng ƀă lâp plâi tơnêi thế ‘nâi nhên tơdroăng, tơmâng khât, mơdêk tăng ‘nâi plĕng, tối nhên, tơbleăng hdrối vâ mơjiâng luât hbrâ tung tơrŭm cheăng ƀă lâp plâi tơnêi. Tơdjuôm ƀă ivá rơdêi dế hdroâng mơngế ƀă ivá dêi rơxông, Tơnêi têa, kuăn pơlê ƀă khu mơdró.

Thế mơdêk tơrŭm lâp plâi tơnêi ƀă chuh ngiah hên troăng tung tơrŭm cheăng lâp plâi tơnêi, Ngế pro xiâm hnê ngăn tối nhên tơrŭm môi tuăn vâ pro ivá rơdêi, tơrŭm vâ ai pơxúa ƀă tơpui tơno mơdêk tuăn loi. ‘Na tơdroăng cheăng pêi hơnăm 2026, Ngế pro xiâm hnê ngăn tối nhên kố cho hơnăm ki apoăng tơrŭm nếo dêi tơnêi têa tung chal nếo, pêi pro tiô troăng tơpui kâ dêi Hneăng hôp kân Đảng rôh má 14 ƀă pơkâ mâu tơdroăng cheăng thế pêi tung tơrŭm cheăng ƀă lâp plâi tơnêi.