Pôa Phạm Minh Chính ngế pro xiâm hnê ngăn Chin phuh tơkŭm po hneăng tơ’noăng mơgêi hriâm râ má pái phôh thông tơniăn, tơ’lêi, kơtăng, nhên, hlâu, nhoăm loi, tơƀrê, kơdroh ki pá, kơdroh liăn nâp ƀă môi tuăn. 

Ngế  pro xiâm hnê ngăn tơnêi têa tối thế xéa ngăn hneăng tơ’noăng môi tiah “ hâi leh dêi kơvâ hnê hriâm’’ vâ mâu vâi o vâi muăn troh hngêi trung tơ’noăng hơniâp ro, ôh tá xâu, oh tá rơxá, pơtối rak  mâu tơdroăng ki  hiăng hriâm; mâu kong pơlê cha tơmâng khât kơ mâu ngế xơpá... hơnăm kố, tâi tâng kơxô̆ hok tro veăng tơ’noăng  mơgêi hriâm râ má pái  phôh thông ai lối 1,16 rơtuh hok tro, tâk vâ chê 100.000 ngế hok tro tâng vâ pơchông ƀă hơnăm nah.  Mâu kong pơlê hiăng kơhnâ hbrâ ăm rôh tơ’noăng, mơhnhôk tăng xiâm amê, mơjiâng pơkâ tơtro ƀă tơdroăng ki ai khât dêi tơrêm kơpong.

-