Kơxo hâi lơ 16/9, Khu xiâm Kal kí, Kăn hnê ngăn Đảng tơkŭm po Hôp tâi tâng tung lâp tơnêi têa hnê tối ƀă tơbleăng pêi 4 tơdroăng pơkâ ki kal mê cho: Pơkâ 59 ‘na tơrŭm ƀă lâp plâi tơnêi; Pơkâ 70 ‘na rak tơniăn on tơhrik; Pơkâ 71 ‘na mơnhông hnê hriâm, hnê mơjiâng tuăn ngôa rơkê; ƀă Pơkâ 72 ‘na kring vế, rak ngăn, mơdêk ivá mo lĕm ăm kuăn pơlê. Tơbleăng hnê mơhno, pôa Tô Lâm Kăn xiâm pơkuâ hnê ngăn Đảng tối nhên, ki kal dêi hneăng hôp, ƀă tối mâu tơdroăng Pơkâ mê cho pơtối vâ tơ’nôm rơdêi ăm “Pŭn tơdroăng Pơkâ’’ ki kal pêi.

Pôa Tô Lâm - Kăn xiâm pơkuâ hnê ngăn Đảng tơbâ thế mơjiâng Khu hnê mơhno Tíu xiâm ƀă tơrêm Pơkâ lơ Khu hnê mơhno Tíu xiâm ‘na tơdroăng tơbleăng mâu pơkâ dêi Khu xiâm Kal kí.  Kăn xiâm pơkuâ hnê ngăn Đảng pơkâ thế mâu khu xiâm, kơvâ cheăng, kong pơlê, hdrối nah cho kăn ƀô̆, đảng viên thế pêi hlối ƀă tơdroăng “tơpui hlối pêi”, ngế ki ối a ko chiu pôu râng mâu hnoăng cheăng, ôh tá pơcháu mơ’nêa môi ngế pêi, oh tá chiâng ví.