Hơnăm 2024, tâi tâng tơmeăm tung lâp kong pơlê Kon Tum (GRDP) riân dâng 20.490 rơtal liăn, xo liăn ngân ăm hngêi rak liăn tơnêi têa dâng 4.425 rơtal liăn, xuân ôh tá kâi châ tiô pơcháu. Pakĭng mê, mâu tơdroăng pơkâ ki nhên tung mơnhông cheăng kâ - rêh ối xuân ôh tá châ tiô pơkâ, malối kơxô̆ ki xăm kơtiê bú châ lối 83% tâng pơchông ƀă pơkâ.

A hneăng hôp rôh má 18, Khu kăn Đảng ƀô̆ kong pơlê Kon Tum hneăng 16 hiăng mơgêi tơdroăng séa ngăn, tăng ngăn ƀă hnê tối mơngế ki pro oh tá tro luât Đảng hơnăm 2024. Ing mê, tung hơnăm, râ ủy, Vi ƀan séa ngăn rêm râ dêi kong pơlê hiăng séa ngăn 951 khu tơrŭm cheăng Đảng ƀă vâ chê 1.300 đảng viên. Klêi hiăng séa ngăn, hôu khĕn, hnê tối  ƀă 2 khu tơrŭm cheăng Đảng ƀă 157 ngế đảng viên.