Kheăn kơdeăn mâu tơdroăng tơrŭm châ tơƀrê dêi Tơrŭm cheăng Ton xŏn tâi tâng Việt Nam – Australia, jâ Sam Mostyn, Kăn pôu râng tâi tâng hnoăng kong têa Australia  tối, tung hơnăm 2025, péa tơnêi têa pơtối rơtế dêi pó tơleăng mâu tơdroăng pơloăng mơnúa ki ôh tá tơniăn dêi rơxông. Môi tiah tơdroăng ki ôh tá tơniăn lâp plâi tơnêi, tơtêk cheăng kâ, pơhlêh xúa kŏng ngê̆, pơhlêh xúa on tơhrik, kong prâi hơ’lêh, tơdâng tơ’mô pơla kơdrâi kơnốu ƀă ‘mâi hơlêh kơpong pêi cheăng tơnêi têa.

A roh hôp tơno, mâu kăn teăng mâ tơkŭm tơpui tơno mâu tơdroăng kơjo ‘mâi pơhlêh dêi Việt Nam, tá mơjiâng luât, pơhlêh xúa kŏng ngê̆, mot tơrŭm lâp plâi tơnêi ƀă mơnhông kơpong mơngế krê. Tơdroăng ki kal xuân mơnhên tơdroăng mơ-eăm ton xŏn dêi Australia ƀă tơdroăng mơdêk ivá ăm kơpong pêi cheăng tơnêi têa ƀă mơjiâng mơngế pêi cheăng dêi Việt Nam.