VOV4.Xơ Đăng - Kơxo lơ 11/2, Ngế xiâm tơpui kâ  Việt Nam tơkŭm po hneăng hôp ASEAN  ‘na tơdroăng Tơkŭm hneăng hôp vâi kơdrâi, Hơniâp lĕm ƀă rak tơniăn a mâu tơdroăng ki xiâm dêi mâu Kuăn pơlê ASEAN tiô tơdroăng hôp tơdrêng tơrŭm mơ’no tơdrêng tung hyôh Internet. Kố cho tơdroăng ki kal tung tơdroăng pơtối mơ-eăm mơdêk po hneăng hôp vâi kơdrâi, Hơniâp lĕm ƀă rak tơniăn (WPS) tung ASEAN dêi Việt Nam ing hneăng Kăn xiâm hnê ngăn ASEAN 2020.

Tơbleăng a  hâi pơxiâm po hneăng hôp, pôa Nguyễn Minh Vũ, Ngế xiâm phŏ tơpui kâ tối, Việt Nam hiăng ai hên hnoăng veăng ‘no mơnhông mơdêk tơbleăng po hneăng hôp ‘na vâi Kơdrâi, Hơniâp lĕm ƀă Pro tơniăn (WPS) tung ASEAN, malối tung hneăng pro Kăn xiâm hnê ngăn ASEAN 2020. Hneăng hôp tơpui tơno rôh kố cho tơpui tơno ‘na mâu tơdroăng mơ-eăm dêi Việt Nam vâ mơjiâng pro ƀă pêi tơ-ƀrê mâu tơdroăng ki vâ tơniăn ăm hnoăng rêh ối vâi kơdrâi, kum châ tơ’lêi hlâu ăm vâi kơdrâi veăng pêi cheăng tung mâu tơdroăng pơkâ, pơtối rak vế pêi hnoăng cheăng tung tơleăng mơnhên drêng trâm tơdroăng xía vâ ƀă pơloăng mơnúa ki mơnhâu ‘na hơniâp lĕm krá tơniăn dêi kơpong.

Ing hneăng hôp, mâu kăn tơngah ASEAN kô tăng hlo troăng prôk pơtối vâ mơjiâng Pơkâ pêi tung kơpong ‘na vâi Kơdrâi, Hơniâp ƀă pro tơniăn (RAP)  ƀă mâu pơkâ pêi, tơdroăng cheăng pêi nhên khât.

Gương tơplôu ƀă tơbleăng