A roh trâm mâ, jâ Nguyễn Thị Thanh, Phŏ Kăn xiâm hnê ngăn Kuô̆k hô̆i mơnhên Việt Nam đi đo môi tuăn sap apoăng troh tui lui pêi pro troăng tơpui kâ ƀă kong têa ê tơniăn krê, pơkuâ xêh, hên troăng, hên túa, cho pú hmâ, khu ki loi tơngah ƀă khu tơrŭm ki lĕm, ai hnoăng dêi pơlê pơla lâp plâi tơnêi; tơdrêng mê mơnhên Việt Nam đi đo ngăn Mih cho khu tơrŭm ki kal khât ton xŏn ƀă pói vâ rơtế Mih pơtối pêi pro chiâng ƀă pêi pro tơrŭm Khu tơrŭm cheăng ton xŏn tâi tâng tiô troăng rế hía rế trâu hơngế, păng ‘nâng, châ tơƀrê.

Kăn Kuô̆k hô̆i râ má môi Marsha Blackburn ƀă Kăn Kuô̆k hô̆i râ má môi môi Peter Welch tối mâu mơnhên dêi Phŏ Kăn xiâm hnê ngăn Kuô̆k hô̆i ‘na mâu tơdroăng châ tơƀrê dêi tơrŭm cheăng pơla péa pâ tung 30 hơnăm hiăng hluâ, mơnhên Mih nhuô̆m tơrŭm cheăng Việt Nam ƀă tơdroăng péa tơnêi têa mơdêk tơrŭm cheăng to Khu tơrŭm cheăng tâi tâng hơnăm 2023 ăm hlo Việt Nam hiăng chiâng khu tơrŭm ki ối má môi dêi Mih a kơpong.