VOV4.Xơ Đăng - A Tíu pêi cheăng Kăn xiâm hnê ngăn tơnêi têa, jâ Võ Thị Ánh Xuân, Kăn xiâm phŏ hnê ngăn tơnêi têa tơdah Khu râ kăn ƀô̆ vâi kơdrâi kơvâ Hngêi arak liăn klăng roh Hâi lâp plâi tơnêi vâi kơdrâi lơ 8/3. A roh tơdah, jâ Nguyễn Thị Hồng, Kăn xiâm pơkuâ hngêi arak liăn Việt Nam tối ăm ‘nâi, kơxô̆ vâi kơdrâi châ dâng 60% khu pêi cheăng a mâu hngêi arak liăn ƀă ai 24% tâi tâng mâu tíu pơkuâ cheăng râ kăn.

Kơvâ Hngêi arak liăn dế pêi pro troăng pêi ton xŏn liăn ngân tŭm têk tơnêi têa troh hơnăm 2025, tơmiât pêi troh hơnăm 2030, tung mê vâi kơdrâi cho khu ki châ tơmâng tŏng kum má môi. Jâ Võ Thị Ánh Xuân pơtroh rơkong rơkâu lĕm tro má môi troh kăn ƀô̆ vâi kơdrâi Hngêi arak liăn tối krê ƀă vâi kơdrâi tung lâp tơnêi têa tối tơdjuôm, tối rơdêi, kơvâ Hngêi arak liăn tối tơdjuôm, kăn ƀô̆ vâi kơdrâi kơvâ hngêi arak liăn tối krê, tơmâng, prôk rơtế Mât trâ̆n Tơnêi têa Việt Nam, mâu khu cheăng kal kí – rêh ối pơlê pơla vâ pêi pro teăm tơdrêng mâu tơdroăng kum rêh ối pơlê pơla, tŏng kum mơngế pá puât, pâ mơnê mâu ngế ai hnoăng.

Khu râ kăn pơkuâ Hngêi arak liăn tơnêi têa Việt Nam pơtối tơmâng tŭm ‘na tơdroăng rah xo kăn ƀô̆ vâi kơdrâi dêi kơvâ, hnê mơjiâng, hnê tơ’nôm kăn ƀô̆ mơ-eăm tơxâng ƀă kơxô̆ vâi kơdrâi tung tâi tâng kơvâ.

A Sa Ly tơplôu ƀă tơbleăng