Xông tơpui a hneăng hôp, jâ Võ Thị Ánh Xuân, Phŏ Kăn xiâm hnê ngăn tơnêi têa pơchân tối, kong pơlê Cà Mau klêi kơ’nâi tơmot chiâng môi ai hên tơmeăm ki ai hlâu vâ mơnhông, laga xuân ai hên tơdroăng pá puât môi tiah: hngêi trăng troăng klông, kơmăi kơmok kŏng ngê̆ kơxô̆ tá hâi tơdâng tơ’mô; tơdroăng rêh ối dêi kuăn pơlê ki má lối cho kơpong hơngế hơngo hên tíu tá hâi mơnhông mơdêk.

Kong pơlê Cà Mau kal mơnhông ivá, pêi pro pơkâ cheăng, mơ’no liăn cheăng ƀă mơnhông mâu tơmeăm cheăng kâ ƀă khôi túa lĕm tro rêh ối pơlê pơla, gâk kring tơnêi têa pơlê pơla tơdâng, tơ’mô. Jâ Võ Thị Ánh Xuân, Phŏ Kăn xiâm hnê ngăn tơnêi têa, pơkâ thế  kong pơlê Cà Mau mơhnhôk pêi pro ƀă pêi pro mâu tơdroăng tơ’noăng pâ nhuô̆m tơnêi têa pơxúa păng ‘nâng, mơjiâng tơdroăng ki châ tơƀrê ăm pơlê pơla.

Roh kố, kong pơlê Cà Mau châ diâp Mê dái pêi cheăng ối Má Môi; 7 ngế krê tơdah Mê dái pêi cheăng mâu râ; 9 khu pú hên, ngế krê tơdah ƀâng kheăn kơdeăn Ngế pro xiâm hnê ngăn Chin phuh; 163 khu pú hên, 419 ngế krê tơdah ƀâng kheăn kơdeăn dêi Vi ƀan kong pơlê.