Tơkâ hluâ 74 hơnăm mơjiâng ƀă xông kân, ing môi hngêi pơkeăng apoăng, troh nôkố Hngêi pơkeăng hiăng chiâng tíu xiâm khăm pơlât trâu hơngế, Hngêi pơkeăng ki pơlât má mơ’nui dêi kơpong Tơdế kong ngo peăng Kơnhŏng, cho môi tung 6 hngêi pơkeăng ki phá tơ-ê tung lâp tơnêi têa; pêi pro tro mâu hnoăng khăm, pơlât châi tamo, hnê mơjiâng, hriăn plĕng khoa hok ƀă tơrŭm lâp plâi tơnêi.

Tơdâng rêm hâi, Hngêi pơkeăng Xiâm Thái Nguyên khăm, pơlât ăm vâ chê 2 rơpâu roh ngế châi tamo pơlât ối pakong, 1 rơpâu 700 ngế pơlât ối koi tung hngêi pơkeăng; rêm hơnăm khăm ivá ăm dâng 200 rơpâu roh ngế. Tung mâu hơnăm hiăng hluâ, Hngêi pơkeăng hiăng séa ngăn ki dâi lĕm hên đề tài, troăng tơmiât pêi rơkê kih thuât; pêi pro tâi tâng mâu kih thuât dêi hngêi pơkeăng ki phá tơ-ê ƀă cho môi tung 15 hngêi pơkeăng dêi lâp tơnêi têa chiâng pêi mâu kih thuât ki pá ƀă trâu hơngế.