Tiô pơkâ dêi Kăn xiâm hnê ngăn tơnêi têa, pôa Lương Đình Chung, Kăn pơkuâ ngăn Đảng ủi, Kăn pơkuâ Đảng Kuân khu 5 châ pôk to kơlŏng  sap ing Đăi tă tâk chiâng Thiê̆u tươ̆ng. Teăng mâ Khu xiâm kăn Đảng lêng Tơnêi têa, pôa Phan Văn Giang, Kăn xiâm pơkuâ ngăn lêng, Đăi tươ̆ng diâp hlá mơ-éa pơkâ, diâp reăng rơkâu Thiê̆u tươ̆ng Lương Đình Chung.

Tơdroăng ki pôa Lương Đình Chung châ pôk tâk kơlŏng Thiê̆u tươ̆ng mơhn

o tơdroăng ki tơmâng ngăn, mơnhên tối khât dêi Đảng, Tơnêi têa ƀă khu lêng ƀă mâu hnoăng cheăng ki pleăng, veăng gum kân kĭn krê dêi pôa tung pơla pêi cheăng, malối cho tung pơkuâ, hnê mơhno mơjiâng khu lêng kring vế Kuân khu 5 krá rơdêi tŭm têk “djâ troăng ahdrối, kơhnâ rơkê”, veăng gum ăm hnoăng cheăng mơjiâng khu lêng kuăn pơlê Việt Nam kăch măng, chính quy, ƀĕng ƀeăn, rơkê, rak vế krá rơdêi Tơnêi têa Việt Nam xah hô̆i chuh ngiah.