Nôkố lâp tơnêi têa ai 733 kơ koan chêh hlá tơbeăng, kơdroh 189 kơ koan tâng pơchông ƀă hdrối, gum pêi pro troăng hơlâ rah xo bro lế lĕm tro khu râ kăn pêi cheăng tơnêi têa, mơdêk xêt khât, châ tơƀrê pêi cheăng. A rôh trâm mâ, mâu kơ koan chêh hlá tơbeăng pâ thế Chin phuh tơmâng troăng pơkâ pêi, troăng hơlâ ki phá tơ-ê, pro tơ’lêi hlâu mơdêk ivá pơkuâ xêh ƀă ki dâi lĕm tơdroăng xiâm.

Rơkâu khu ngế chêh hlá tơbeăng, pôa Trần Thanh Mẫn, Kăn xiâm hnê ngăn Kuô̆k hô̆i mơnhên mâu tơdroăng veăng gum ki kal dêi khu chêh hlá tơbeăng tung pơtâng tối troăng pơkâ pêi pro, troăng hơlâ dêi Đảng, Tơnêi têa; tối teăm tơdrêng rôh kăch măng rah xo bro lế lĕm tro khu pêi cheăng tơnêi têa, mơdêk tơtêk. Hlá tơbeăng xuân pơtối rak hnoăng ki xiâm tung rak tuăn ihiâm mơno tơmiât dêi Đảng, tơplâ tơtrâ mâu troăng tơmiât ki ôh tá tro, mơjiâng tơdroăng pơtâng ki lĕm tro, rơkê ƀă pôu râng hnoăng cheăng.