A kơpong ki xĕn kuăn pơlê ối a thôn K’Nớ 5, cheăm Đam Rông 4, hên tíu rơheăng kân a mâu hbêa ngo rơtâ tá kơpong kuăn pơlê rêh ối, mơnhâu tơdrêng lối 60 rơpŏng kuăn pơlê. A troăng kân Tơnêi têa 28, tơkâ hluâ văng Gia Bắc, hrĭng met khô̆i tơnêi hmốu tơhnâp a troăng kân, pro chôm troăng kân. Drêng ai tơdroăng kong prâi ôh tá tơniăn, mâu kơvâ cheăng dế thâ séa ngăn mâu kơpong tơ’lêi trâm, thăm séa ngăn kong mêi têa lân lu, xúa tơniăn long rơchôa têa ƀă hbrâ khu pêi cheăng, rơxế tiô troăng “4 tơdrêng”.

Khu râ kăn pơkuâ pơlê cheăm xuân tâp kơƀăng tơbleăng, mơdât a kơpong ki rơ-iô, mơjiâng troăng pêi xĕn kuăn pơlê ƀă pêi pro mâu tơmeăm kât ikrá kơnâng, hbrâ mơdât tơhnâp vâ kơdroh tro lŭp ‘na mơngế ƀă kế tơmeăm.