VOV4.Xơ Đăng Tung mâu hâi apoăng hơnăm nếo, kăn pơkuâ cheăng Đảng kong pơlê, Vi ƀan kong pơlê ƀă Hô̆i đong kong pơlê Dak Lak hiăng troh lăm pôu, trâm mâ mâu kăn ƀô̆, mâu ngế pêi cheăng a mâu kŏng ti, tíu pêi cheăng tung kong pơlê vâ mơhnhôk mâu tíu cheăng tơkâ hluâ pá puât thăm mơjiâng tơmeăm. Ki nhên, mâu khu râ kăn pêi cheăng dêi Tĭnh ŭy, Vi ƀan ƀă Hô̆i đong kong pơlê Dak Lak hiăng troh lăm pôu, kơ-êng ƀă trâm mâ apoăng hơnăm ƀă kăn ƀô̆, kŏng nhân Kŏng ti tơlo liăn cheăng têa châu têa kơxăng Nam Tây Nguyên, Kŏng ti kơphế Thắng Lợi, Kŏng ti tơlo liăn pro meăm Thĕp Đông Nam Á ƀă mâu tíu cheăng mơjiâng tơmeăm tung kong pơlê.

Pôa Nguyễn Đình Trung, Kăn pơkuâ hnê ngăn cheăng Đảng kong pơlê Dak Lak li xi apoăng hơnăm ăm kŏng nhân dêi Kŏng ti tơlo liăn cheăng ƀia Sài Gòn – Miền Trung

A Kŏng ti tơlo liăn cheăng Ƀia Sài Gòn – Miền Trung, pôa Nguyễn Đình Trung, Kăn pơkuâ hnê ngăn cheăng Đảng kong pơlê Dak Lak rơtế khu râ kăn pêi cheăng hiăng tơmâng tơbleăng tối ‘na tơdroăng pêi cheăng dêi Kŏng ti, lăm pôu kơpong mơjiâng ƀă trâm mâ tơpui tơno ƀă mâu kŏng nhân.

Pôa Nguyễn Đình Trung kheăn kơdeăn mâu tơdroăng mơ-eăm dêi Kŏng ti drêng hiăng tơkâ hluâ mâu tơdroăng pá puât xua pơreăng kân vâ tơniăn mơjiâng tơmeăm, ôh tá ai ngế ki lâi tro tâ COVID-19.

A Sa Ly tơplôu ƀă tơbleăng