VOV4.Xơ Đăng - Pơtối tơdroăng pêi cheăng a mâu kong pơlê Tây Nguyên, hâi lơ 21/1, jâ Bùi Thị Minh Hoài, Kăn xiâm pơkuâ hnê ngăn cheăng Đảng, Kăn pơkuâ pơtâng tối mơhnhôk kuăn pơlê tơnêi têa rơtế khu râ kăn pêi cheăng hiăng veăng tơdroăng ‘’Rơnó Hơngui tơkăng kong’’  ƀă lăm pôu, diâp kơxuô tơmeăm ăm Jâ Nôu Việt Nam khên tơnôu, rơpŏng ai hnoăng tơnêi têa, mơngế kơtiê, rơpŏng pá puât, kŏng nhân, mơngế pêi cheăng tung kong pơlê Dak Lak klăng roh Têt Lo hơnăm nếo Nhâm Dần 2022.

Diêp rơxế mái ăm hok tro kơtiê tơkâ hluâ pá puât hriâm rơkê

Khu râ kăn hiăng veăng tơdroăng ‘’Rơnó Hơngui tơkăng kong hơnăm 2022’’ xua Khu xiâm pơkuâ Đoân Droh rơtăm tơkŭm po a tơring tơkăng kong Ƀuôn Đôn ƀă diâp ăm lối 200 kơxuô tơmeăm, 500 rơtuh liăn, 20 toăng rơxế mái, 20 hnoăng liăn hriâm rơkê ăm hok tro kơtiê tơkâ hluâ pá puât ƀă ăm mâu rơpŏng ai troăng hơlâ, mơngế kơtiê, rơpŏng vâi krâ hdroâng kuăn ngo ai tơdroăng rêh ối pá puât a tơring Ƀuôn Đôn.

Jâ Bùi Thị Minh Hoài, Kăn pơkuâ pơtâng tối mơhnhôk kuăn pơlê tơnêi têa veăng kơxuô kơƀăn tơxông diâp ăm mâu rơpŏng kơtiê ai tơdroăng rêh ối pá puât

Rơtế a hâi ki mê, khu râ kăn pêi cheăng hiăng lăm kơ-êng, mơhnhôk ƀă diâp kơxuô tơmeăm Têt ăm mâu kŏng nhân kơtiê, kŏng nhân trâm pá xua tơdjâk pơreăng COVID-19 tung kong pơlê.