Tơbleăng a roh pêi cheăng, pôa Phạm Minh Tấn, Kăn pơkuâ hnê ngăn cheăng Đảng kong pơlê Dak Lak tối ăm ‘nâi, pakĭng mâu tơdroăng châ tơƀrê hiăng châ tơƀrê, 6 khế apoăng hơnăm, tơdroăng kal kí, tơniăn pơlê pơla dêi kong pơlê xuân ối hên tơdroăng ki ôh tá tơniăn. Tơdroăng ‘nâi tơdroăng, kong pơlê, kơvâ ki kal ‘na gak kring, rak tơniăn pơlê pơla ai drêng tá hâi teăm tơdrêng, pêi ôh tá trâu hơngế. Tơdroăng tâi tâng kuăn pơlê gak kring Tơnêi têa a mâu kong pơlê tá hâi krá tơniăn rơdêi.

Xông tơpui a roh pêi cheăng, pôa Phan Đình Trạc, Kăn pơkuâ tơdroăng xiâm Tơnêi têa pơkâ thế Khu pơkuâ tơdroăng cheăng Đảng kong pơlê Dak Lak thăm pêi pro hnoăng pơkuâ, hnê mơhno pêi pro tơdâng tơ’mô, tŭm têk ƀă mơdêk châ tơƀrê mâu troăng hbrâ mơdât kâ kơhveăm liăn ngân, tơdroăng ki ôh tá lĕm tro; hlê plĕng pêi pro teăm tơdrêng, tŭm mâu troăng pơkâ pêi, troăng hơlâ dêi Đảng, luât dêi Tơnêi têa ‘na hbrâ, mơdât kâ kơhveăm liăn ngân, tơdroăng ki ôh tá lĕm tro, ƀă tơdroăng mơjiâng, ‘mâi rơnêu tung Đảng.

Ki rơhêng vâ tối, Khu pơkuâ cheăng Đảng kong pơlê Dak Lak mơnhông mơdêk ki kơjo, tah lôi mâu tơdroăng pá puât, ối tơvâ tơvân vâ hnê mơhno pêi pro lĕm tro tơdroăng tơniăn gâk kring kal kí, rak tơniăn lâp pơlê pơla, teăm tơdrêng châ hlo, tơleăng mâu tơdroăng ki nếo, ôh tá ăm kơdrâ.