VOV4.Xơ Đăng - Kơxo lơ 29/3, Vi ƀan kong pơlê Dak Lak tơkŭm po tơdroăng tơpui tơno ƀă droh rơtăm dó inâi ‘’droh rơtăm kong pơlê Dak Lak pơxiâm tăng cheăng pêi, mơjiâng cheăng pêi’’. A roh tơpui tơno, mâu droh rơtăm hiăng kơ-êng hên tơdroăng ‘na troăng hơlâ, pơkâ pêi ăm droh rơtăm tung tơdroăng pơxiâm tăng cheăng pêi, mơjiâng cheăng pêi. Tơdroăng xiâm tơkŭm ‘na mâu tơdroăng ‘na liăn mơ’no cheăng, cheăng pêi, hnê cheăng pêi, lăm pêi cheăng a kong têa ê, hnê mơjiâng cheăng pêi ăm mâu ngế pêi cheăng thôn pơlê; Mâu pơkâ pêi, troăng hơlâ pro mơhnhôk vâ mơnhông mơdêk cheăng kâ tung đoân viên droh rơtăm, ki má lối cho droh rơtăm hdroâng kuăn ngo, mâu ngế chó chêng tơvê kŏng ƀă hía hé.

Hên tơdroăng xiâm châ khu râ kăn pơkuâ, kơvâ tiâ tơdrêng a roh tơpui tơno

A roh tơpui tơno, rơtế ƀă mâu rơkong tơpui, pâ thế hiăng châ tơpui tơno tơdrêng ƀă droh rơtăm, jâ H ‘Yim Kđoh, Kăn phŏ hnê ngăn Vi ƀan kong pơlê Dak Lak pơkâ mâu khu cheăng, kơvâ cheăng pơtối ai mâu tơdroăng hriăn plĕng, tiâ ƀă mơ-éa mâu tơdroăng xiâm ki u ối hdrối hâi lơ 10/4 la ngiâ.

A Sa Ly tơplôu ƀă tơbleăng