VOV4.Xơ Đăng - Tung rôh lăm pôu Việt Nam sap ing  hâi lơ 14  troh lơ 20/3, tiô rơkong krếo thế dêi pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa, kơxo lơ 15/3,  Kăn xiâm pơkuâ kong têa cho pôa Julius Maada Bio ƀă kơdrâi pôa rơtế ƀă mâu kăn kong têa kŏng hòa Sierra Leone troh pleăng hơvĭng reăng a Hngêi ‘măn poăng pôa Hồ Chí Minh,  Kăn xiâm hnê ngăn tơnêi têa ki apoăng; ‘măn hơv^ng reăng a Tíu meăn um tơbâ mâu ngế ki hlâ ai hnoăng tơnêi têa.

Kăn xâm pơkuâ kong têa Sierra Leone lăm pôu Việt Nam

Tiô tơdroăng, pôa Nguyễn Xuân Phúc, Kăn xiâm hnê ngăn tơnêi têa ƀă poâ Julius Maada Bio kô rơtế tơpui tơno, hlo ƀă mâ leh kĭ tơhrâ tung hlá mơ-éa mâu tơdroăng pơla péa tơnêi têa. Pơtối mê, Kăn xiâm pơkuâ kong têa cho pôa Julius Maada Bio kô tơpui tơno ƀă pôa Phạm Minh Chính, Ngế pro xiâm hnê ngăn tơnêi têa, pôa Vương Đình Huệ, Kăn xiâm hnê ngăn Kuô̆k hô̆i.

Hneăng lăm pôu Việt Nam dêi kăn xiâm pơkuâ kong têa Kŏng hoà Sierra Leone cho tơdroăng cheăng tơpui tơno tơrá mâu kăn xiâm ki apoăng dêi péa tơnêi têa; hlối cho rôh vâ mơnhông tơ-ƀrê ƀă tơniăn lê̆m pơla péa tơnêi têa tung pơla mâu kong têa tung châu Phi; tung mê ai Sierra Leone nhoăm tơdroăng mơjiâng, mơnhông tơrŭm cheăng ƀă mâu kong têa tung kơpong châu Á-Thái Bình Dương, tung mê ai Việt Nam.

Gương tơplôu ƀă tơbleăng