VOV4.Xơ Đăng - Kơxê lơ 26/1, jâ Trương Thị Mai, Ngế cheăng tung Khu xiâm pơkuâ tơdroăng kal kí, Kăn pơkuâ Tíu xiâm Đảng, kăn xiâm Tơrŭm Tơnêi têa rơtế ƀă khu kăn ki pêi dêi hnoăng cheăng hiăng troh pôu, rơkâu Têt kăn ƀô̆, lêng ƀă kuăn pơlê mâu hdroâng kuăn ngo a tíu tơkăng kong Nậm Pồ, kong pơlê Điện Biên.

Kăn xiâm hnê ngăn Đảng Tơnêi têa pôu, rơkâu Têt a tơring tơkăng kong Nậm Pồ, kong pơlê Điện Biên

Khu kăn ki pêi dêi hnoăng cheăng hiăng diâp lối 140 hnoăng tơmeăm ăm mâu rơpŏng ki ai mố đô̆i hlâ, hok tro ai tơdroăng rêh ối xơpá; rơpŏng châ tơnêi têa tŏng kum, rơpŏng kơtiê, mâu ngế ki châ kuăn pơlê loi nhuô̆m tung kuăn pơlê; kăn ƀô̆, kong chưk, mâu ngế pêi cheăng ki ai tơdroăng rêh ối xơpá a tơring Nậm Pồ; hbru tơmăm ăm khu râ Đảng, khu kăn pơkuâ cheăm Si Pa Phìn ƀă Đảng ƀô̆ tơring Nậm Pồ.

Pôu, rơkâu Têt kăn ƀô̆, lêng đông mố đô̆i gâk tơkăng kong Si Pha Phìn ƀă Khu ngăn tơdroăng cheăng kâ lêng 379, Kuân khu 2, jâ Trương Thị Mai môi hdroh nếo tối nhên hnoăng cheăng xiâm dêi khu kêng kring vế tơniăn a tíu tơkăng kong tung hnoăng cheăng rak tơniăn gak kring, rak vế hnoăng pơkuâ tíu tơkăng kong, pêi pro tro hnoăng cheăng hbrâ mơdât COVID-19, hbrâ mơdât mot lo tung tơnêi têa ôh tá tro luât, mâu ngế pro xôi ma tŭi ƀă mâu ngế ki pro xôi ki ê vâ kuăn pơlê tơdah Têt hơniâp ro rơnó hơngui rak tơniăn, ai pơxúa.

Gương tơplôu ƀă tơbleăng