VOV4.Xơ Đăng - Kơxo lơ 9/2, pôa Vương Đình Huệ, Kăn xiâm hnê ngăn Kuô̆k hô̆i hiăng lăm pôu, rơkâu Têt ƀă séa ngăn mâu tơdroăng cheăng ‘na tối mơgêi hnoăng cheăng hơnăm 2021, troăng rơhlâ pêi cheăng tung hơnăm 2022; tơdroăng tơkŭm pêi pro tiô pơkâ kơxô̆ 11 dêi kăn hnê ngăn Đảng ‘na tơkŭm Têt Nhâm Dần hơnăm 2022 a pơlê kong kân Hải Phòng. Teăng mâ Kăn xiâm Đảng, Tơnêi têa, Kuô̆k hô̆i, Vi ƀan pơkuâ cheăng Kuô̆k hô̆i, pôa Vương Đình Huệ tơmâng, khĕn kơdeăn khât mâu hnoăng hiăng châ pêi pro dêi Đảng ƀô̆, mâu kăn ƀă kuăn pơlê dêi pơlê kong kân Hải Phòng hiăng châ pêi pro tung hơnăm hdrối.

Kăn xiâm hnê ngăn Kuô̆k hô̆i lăm pôu rơkâu Têt a pơlê kong kân Hải Phòng

Tối nhên troăng hơhlâ, tơdroăng cheăng pêi tung hơnăm 2022 dêi pơlê kong kân Hải Phòng tung tŭm tơdroăng cheăng, Kăn xiâm hnê ngăn Kuô̆k hô̆i pơkâ thế, pơtối mâu tơdroăng pêi tơƀrê tung hơnăm 2021, hơnăm 2022, Hải Phòng kal pơtối pơkuâ, hnê mơhno pêi tơ-ƀrê tơdroăng Pơkâ, tối mơgêi dêi Tíu xiâm, Pơkâ dêi Đảng. Pơkâ dêi Kuô̆k hô̆i, Chin phuh ‘na tơdroăng pơkâ mơnhông cheăng kâ - rêh ối hơnăm 2022 tiô tơdroăng thâ tơbleăng pêi, pêi kơtăng klêi pơtê Têt.

Gương tơplôu ƀă tơbleăng