VOV4.Xơ Đăng - Kơxê lơ 25/1, a pơlê kong kân Hồ Chí Minh, pôa Vương Đình Huệ, Kăn xiâm hnê ngăn Kuô̆k hô̆i ƀă khu râ kăn pêi cheăng hiăng lăm pôu, rơkâu têt mơngế ai hnoăng tơnêi têa, khu ki pêi cheăng hbrâ mơdât pơreăng COVID-19; lăm pôu, rơkâu Têt ƀă diâp kơxuô tơmeăm Têt troh khu pú hên, mơngế pêi cheăng a kơ koan, tíu cheăng ƀă vâi hdrêng dế châ păn roăng, rak ngăn ƀă pơlât a Tíu xiâm pơlât ƀă tŏng kum vâi hdrêng chó chêng tơvê kŏng.

Kăn xiâm hnê ngăn Kuô̆k hô̆i lăm pôu, rơkâu Têt mơngế ai hnoăng tơnêi têa, rơpŏng ai hnoăng tơnêi têa, khu ki pêi cheăng hbrâ mơdât pơreăng COVID-19 a pơlê kong kân Hồ Chí Minh

Kăn xiâm hnê ngăn Kuô̆k hô̆i tối phiu ro drêng châ hlo pơlê kong kân khĕn inâi Pôa hiăng tơniăn tiah hmâ, rak ngăn mâu tơdroăng kal kí, cheăng kâ, rêh ối pơlê pơla. Troh nôkố, kơxô̆ F0 râ, hlâ xua COVID-19 rêm hâi hiăng kơdroh iâ ƀă mơhé tro lŭp ó, laga ƀă khôi túa môi tuăn ƀă khên tơnôu, tuăn pâ ôh tá lôi kơbố parŏng, pơlê kong kân xuân rak ngăn tơtro tơdroăng tŏng kum pơlê pơla, vâ rêm ngế, rêm hngêi pơrá ai Têt.

A Sa Ly tơplôu ƀă tơbleăng