VOV4.Xơ Đăng - Kơxê lơ 24/3, a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i  hiăng pơkuâ hneăng hôp pêi cheăng dêi Đảng dêi khu kăn Kuô̆k hô̆i  ƀă  Khu kăn Đảng ủy kŏng an xiâm ‘na mâu tơdroăng ki kal, tơdroăng ki ối hên ngế tối pơrá phá ‘na mâu tơdroăng tơkêa Luât, hlá mơ-éa chêh pơkâ dêi Kuô̆k hô̆i xua khu xiâm kŏng an pơkuâ rah chêh, pơtroh ăm rôh hôp má pái, Kuô̆k hô̆i  hneăng 15; klêi pêi pro tơdroăng mâu pơkâ dêi Kuô̆k hô̆i, luât pơkâ tơrŭm pơla khu xiâm kŏng ăn ƀă Hô̆i đong hnê ngăn kuăn ngo, mâu Vi ƀan dêi Kuô̆k hô̆i; mâu tơdroăng tối ƀă Đảng khu kăn Kuô̆k hô̆i, Vi ƀan pơkuâ cheăng Kuô̆k hô̆i  tung mâu tơdroăng tí tăng ‘nâi plĕng, mơjiâng luât dêi Khu xiâm kŏng an, malối tung tơdroăng mơjiâng mâu pơkâ tơdjâk troh kring tơniăn, cheăng lêng.

Tơbleăng a hâi pêi cheăng, pôa Vương Đình Huệ, Kăn xiâm hnê ngăn Kuô̆k hô̆i  tối hnoăng cheăng pêi pro dêi kŏng an ƀă mâu tơdroăng cheăng dêi Kuô̆k hô̆i; tối tiah kố, péa pâ kal mơdêk tơrŭm tối mâu tơdroăng, vâ kum mâu tơdroăng cheăng dêi Kuô̆k hô̆i tung tơdroăng pêi pro mơjiâng luât, séa ngăn, pơkâ mâu tơdroăng kal dêi tơnêi têa ƀă tơdroăng tơpui kâ.

Gương tơplôu ƀă tơbleăng