VOV4.Xơ Đăng - Kơxo lơ 21/3, a Pơlê kong kân Hồ Chí Minh, pôa Vương Đình Huệ, kăn xiâm hnê ngăn Kuô̆k hô̆i pơkuâ po Rôh hôp mơgêi hnoăng cheăng Hô̆i đong hnê ngăn mâu kong pơlê, pơlê kong kân kơpong peăng hdroh hơnăm 2021 ƀă tơbleăng túa pơkâ pêi cheăng hơnăm 2022. Vâ ‘mâi rơnêu mâu tơdroăng ki ôh tá tơniăn tung pơla pêi cheăng dêi Hô̆i đong hnê ngăn rêm râ tung pơla hdrối kố nah ƀă mơdêk tơƀrê tơdroăng cheăng dêi Hô̆i đong hnê ngăn tung hơnăm 2022, Hô̆i đong hnê ngăn rêm râ kal pêi pro mâu tơdroăng pơkâ, hnoăng cheăng, troăng hơlâ pêi pro ki nhên.

Péa tơdroăng pơkâ tơkŭm tung mê ai Hô̆i đong hnê ngăn rêm râ tung hơnăm 2022 cho kal pơtối hơ’lêh nếo ‘na túa pơkâ, túa ki tơkŭm pêi cheăng, mơdêk ki rơkê cheăng dêi Hô̆i đong hnê ngăn tung tơdroăng ki pro hơ’lêh pơkâ hneăng hôp mâu kăn lâp tơnêi têa rôh má 13 dêi Đảng, tơdroăng pơkâ Kuô̆k hô̆i, Chin phuh, Tơdroăng pơkâ Đảng ƀô̆ kong pơlê, pơlê kong kân ƀă luât dêi tơnêi têa, Hô̆i đong hnê ngăn rêm râ, hneăng hơnăm 2021 – 2026 vâ Hô̆i đong hnê ngăn cho kơ koan xiâm dêi tơnêi têa a kong pơlê, teăng mâ ăm hiâm mơno mơ-eăm, tơdroăng rơhêng vâ ƀă hnoăng cheăng pro ngế pơkuâ dêi kuăn pơlê, chiu pôu râng dêi hnoăng cheăng a ngiâ kuăn pơlê a kong pơlê ƀă kơ koan tơnêi têa râ kơpêng.

Katarina Nga tơplôu ƀă tơbleăng