Kố cho rôh hôp ki apoăng dêi Khu kăn Đảng ủy Kuô̆k hô̆i ƀă Khu kăn Đảng ủy Chin phuh. Pôa Trần Thanh Mẫn, Kăn pơkuâ cheăng Đảng ủy Kuô̆k hô̆i, Kăn hnê ngăn Kuô̆k hô̆i ƀă pôa Phạm Minh Chính, Kăn hnê cheăng Đảng ủy Chin phuh pơkuâ hneăng hôp.

Tơbleăng a rôh pơxiâm Hôp, pôa Trần Thanh Mẫn tối nhên, kô cho  rôh hôp ki kal, xua Khu kăn Đảng ủy Kuô̆k hô̆i ƀă Kăn xiâm tung Chin phuh pơkuâ vâ séa ngăn mâu tơdroăng cheăng tơdjâk troh hbrâ rôh hôp tơniăn, tơƀrê ƀă châ môi tuăn hên dêi mâu kăn Kuô̆k hô̆i tung pơkâ mâu tơdroăng kal, tơdroăng dêi rôh hôp, xuân môi tiah pơkâ ‘na mơngế pêi cheăng.

Rôh hôp ôh tá xê tiah hmâ rôh má 9 tiô tối hdrối kô po a hâi lơ 12/2 ƀă kô mơgêi a hâi lo 18/2/2025. Mâu tơdroăng rôh hôp ôh tá xê tiah hmâ rôh má 9, riân troh nôkố péa pâ hiăng môi tuăn mâu tơdroăng mê: séa ngăn 4 luât; 5 tơdroăng pơkâ mơhnhôk rah pro rế lĕm ‘na mơngế pêi cheăng, pê klêi luât pơkâ, luât pơkâ dâi mâu kơ koan, tíu pêi cheăng, tơkŭm pêi tơdroăng kal kí; séa ngăn pơkâ 4 tơdroăng ki ê cho dêi râ kơpêng tung mê ai tơdroăng rah xo mơngế pêi cheăng hlối ai môi hlá mơ-éa tơbleăng dêi Kuô̆k hô̆i tiô pơkâ.