VOV4.Xơ Đăng - Kơxê măng lơ 20/1, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah jâ Márta Mátrai, Kăn xiâm phŏ hnê ngăn má môi Kuô̆k hô̆i kong têa Hungary dế lăm pôu pêi cheăng a Việt Nam tung mâu hâi apoăng hơnăm nếo; ƀă tối nhên, Kuô̆k hô̆i Việt Nam kô tơmâng, thăm pêi pro po rơdâ ƀă séa ngăn tơdroăng Hungary hiăng ăm 500 rơtuh Euro kơxô̆  liăn ODA ăm mâu tơdroăng tơkêa bro ối tung mâu kơvâ ki kơjo tơrŭm cheăng pơla péa tơnêi têa xuân môi tiah 200 hnoăng liăn hriâm rơkê ăm sinh viên Việt Nam tiô hriâm mâu kơvâ cheăng kâ, kih thuât ki kal.

Tơdrêng amê môi tuăn tơdroăng ai tíu xiâm mơhno túa lĕm tro Hungary a Việt Nam, pói tơngah kố cho tiú mơhnhôk hên mâu sinh viên hneăng hdrối hiăng rêm a Hungary ƀă kuăn pơlê Việt Nam. Pôa Vương Đình Huệ pơkâ, tung la ngiâ, péa pâ kô kĭ môi tuăn tơrŭm cheăng pơla péa Kuô̆k hô̆i tiô troăng ai tŭm ƀă tŭm hên tâ.

A Sa Ly tơplôu ƀă tơbleăng