VOV4. XơĐăng - Kơxê lơ 22/3, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah jâ Manuela Ferro, Kăn xiâm phŏ hnê ngăn Hngêi arak liăn Lâp plâi tơnêi(WB) pơkuâ kơpong peăng hâi lâi lo châu Á – Thái Bình Dương klăng ai roh lăm pôu pêi cheăng a Việt Nam sap hâi lơ 17 – 24/3/2022. Pôa Vương Đình Huệ tối, nôkố Việt Nam dế mơhnhôk kơxô̆ liăn ăm tơdroăng mơnhông mơdêk. Kuô̆k hô̆i Việt Nam pói vâ WB tŏng kum Việt Nam pơtối vêh rak tơniăn liăn ngân tơnêi têa ƀă che\n liăn tơnêi têa tiô troăng krá tơniăn tâ, mơhnhôk châ kơxô̆ liăn mơ’no rơpâ ƀă tơ’lêi hlâu ăm mơnhông mơdêk cheăng kâ.

Kố cho troăng ki kơjo dêi Việt Nam. Jâ Manuela Ferra kheăn kơdeăn troăng tơmiât pêi rơkê ƀă tơdroăng ki hbrâ dêi Kuô̆k hô̆i Việt Nam tung tơdroăng tơkŭm po Hneăng hôp tơpui tơno cheăng kâ tiah hmâ rêm hơnăm vâ pơkâ mơ’no troăng hơlâ, tơkêa bro luât vâ thăm mơnhông mơdêk tơnêi têa ƀă mơnhên, WB kô pơtroh mâu ngế rơkê veăng tung hneăng hôp tơpui tơno kố; WB môi tuăn hnoăng séa ngăn dêi Kuô̆k hô̆i, ki rơhêng vâ tối cho séa ngăn liăn ngân tơnêi têa.

A Sa Ly tơplôu ƀă tơbleăng