VOV4.Xơ Đăng - Kơxo lơ 27/1, a tíu pêi cheăng xiâm dêi Kăn xiâm tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah Tiê̆n sih Kusumi Mari, Kăn hnê ngăn Kŏng ti pêi cheăng tiu rơnó Hnê hriâm Y Khoa dêi Nhuk. A rôh tơdah, pôa Nguyễn Xuân Phúc, Kăn xiâm hnê ngăn tơnêi têa hâk mơnê jâ Kusumi Mari, Kăn hnê ngăn Kŏng ti pêi cheăng tiô rơnó Hnê hriâm Y khoa dêi Nhuk hiăng ‘no liăn cheăng a Việt Nam ƀă tơdroăng tơkêa bro ‘na hngêi trung hriâm ƀă hngêi pơkeăng.

Tiê̆n sih Kusumi Mari mơnê Kăn xiâm hnê ngăn tơnêi têa hiăng mơdoh chôu tơdah ƀă tơbleăng ‘na tơdroăng tơkêa bro ki dế mơjiâng pro a Việt Nam. Jâ tối kô mơ-eăm mơjiâng rĕng klêi Hngêi pơkeăng a Việt Nam ƀă xúa mâu kŏng ngê̆ ki nếo má môi tung khăm pơlât xuân môi tiah kih thuât pơlât ki rơkê ing Nhuk. Tối tơrŭm cheăng hnê hriâm - hnê mơjiâng tuăn ngôa rơkê ƀă hnê xúa kơmăi kơmok cho tơdroăng ki mơ-eăm má môi a Việt Nam, Kăn xiâm hnê ngăn tơnêi têa púi vâ Tiê̆n sih Kusumi Mari mơ-eăm tâ nếo mơdêk rĕng pê klêi tơdroăng tơkêa bro.

Gương tơplôu ƀă tơbleăng