VOV4.Xơ Đăng - Hâi lơ 22/2, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa trâm mâ kăn pơkuâ ƀă mâu ngế cheăng khoa hok, mâu ngế hriăn plĕng rơkê ‘na cheăng kâ Khu pơkuâ Khoa hok Cheăng kâ Việt Nam. Ƀă khôi túa 47 hơnăm mơjiâng ƀă xông kân, Kăn xiâm hnê ngăn tơnêi têa pói vâ Khu pơkuâ Khoa hok cheăng kâ Việt Nam tối krê, mâu ngế cheăng khoa hok lâp tơnêi têa tối tơdjuôm kal prôk hdrối môi kơteăng tung tơdroăng hriăn plĕng vâ pơtối tah lôi tíu pro pá dêi tơdroăng cheăng kâ klêi kơ’nâi 35 hơnăm pơ’lêh nếo, ing mê, pêi pro châ tơƀrê Pơkâ XIII dêi Đảng ƀă tơdroăng pói vâ tơnêi têa ó rơdêi tŭm tơdroăng a hơnăm 2045.

Khu pơkuâ Khoa hok Cheăng kâ Việt Nam mơjiâng hơnăm 1975. Môi tung mâu tơdroăng ki xiâm dêi Khu cho thăm pêi pro mâu tơdroăng hnê mơhno séa mơnhên ƀă tiâ tối tơdroăng ki pơlê pơla rơhêng vâ ‘nâi plĕng, tơxâng tiô pơkâ dêi khu râ kăn pơkuâ mâu kơvâ ƀă mâu kong pơlê. Ki rơhêng vâ tối veăng tung tơdroăng pêi pro Troăng pêi ton xŏn ƀă Pơkâ 5 hơnăm la ngiâ tiô pơkâ Hneăng hôp XIII dêi Đảng.

A Sa Ly tơplôu ƀă tơbleăng