VOV4.Xơ Đăng -  Kơxo lơ 5/4, a Tíu pêi cheăng kăn xiâm hnê ngăn tơnêi têa, pôa Nguyễn Xuân Phúc, kăn xiâm hnê ngăn tơnêi têa hiăng pêi cheăng ƀă Tíu xiâm Khu lo tŏng veăng Việt Nam ‘na tơbleăng Khế tŏng kum hơnăm 2022. Hơnăm kố, Khu lo tŏng veăng Việt Nam mơjiâng túa pơkâ tơbleăng khế Tŏng kum hơnăm 2022 ƀă inâi: “Tơrŭm pơlê pơla – Tơdjâk tơdroăng ki tŏng kum” ƀă mâu tơdroăng cheăng, môi tiah: tơbleăng rôh mơhnhôk ivá xua tơdroăng ki tŏng kum; mơdêk hnoăng cheăng hnê tối mâu tơdroăng ki kơnía ƀă tơdroăng cheăng khu lo tŏng veăng; mơdêk mâu tơdroăng cheăng tŏng kum tung pơlê pơla, séa ngăn, mơnhên tối ƀă tí tăng ‘nâi plĕng mâu troăng hơlâ ki ai tơdjâk troh tơdroăng cheăng tŏng kum ƀă tơrŭm Hô̆i.

Kăn xiâm hnê ngăn tơnêi têa pêi cheăng ƀă Tíu xiâm Khu lo tŏng veăng Việt Nam

Pơkâ thế a rôh pêi cheăng, pôa Nguyễn Xuân Phúc, kăn xiâm hnê ngăn tơnêi têa môi tuăn tơdroăng ki tơkŭm po Leh tơbleăng Khế tŏng kum râ tơnêi têa hơnăm 2022 tiô pơkâ mơ’no dêi Hô̆i ƀă môi tuăn tơdroăng ki tơbleăng pêi pro tơdroăng pơkâ kơxô̆ 18 hơnăm 2018 dêi Ngế pro xiâm hnê ngăn Chin phuh ‘na mơdêk tơƀrê hnoăng cheăng tŏng kum ƀă tơdroăng cheăng khu lo tŏng veăng tung tơdroăng ki nếo.

Katarina Nga tơplôu ƀă tơbleăng