VOV4.Xơ Đăng - Tung khế 3/2022, Kăn xiâm hnê ngăn tơnêi têa pơkuâ hneăng hôp ‘no liăn cheăng mơjiâng tơmeăm khoăng a tơring Củ Chi, Hóc Môn. Mê cho tơdroăng ăm ‘nâi ing tíu xiâm ngăn tê mơdró ‘no liăn mơjiâng tơmeăm khoăng Pơlê kong kân Hồ Chí Minh ăm ‘nâi a rôh hôp tối tơbleăng tiô rơnó  vâ tối mâu tơdroăng ‘na cheăng kâ - rêh ối ƀă hbrâ mơdât pơreăng COVID-19 po a kơxê hâi lơ 7/3. A hneăng hôp, pôa Nguyễn Xuân Phúc, Kăn xiâm hnê ngăn tơnêi têa kô ai ƀai tơbleăng hnê mơhno. Pakĭng mê, Khu pơkâ hdró - Hriăn mơjiâng tơmeăm khoăng ƀă Khu xiâm ngăn troăng prôk rơxế kơtâu xuân tơbleăng ‘na troăng rơhlâ pơkâ  vâ pêi, ‘na troăng prôk Củ Chi ƀă Hóc Môn.

Teăng mâ mâu khu mơdró xuân tơpui tơno ƀă mâu kăn xiâm hnê ngăn Vi ƀan pơlê kong kân, mâu kơvâ cheăng ƀă mâu tơdroăng pêi ai pơxúa dêi kơvâ cheăng, khu mơdró... Pakĭng hneăng hôp xuân ai tơbleăng 55 tơdroăng tơkêa bro  krếo ‘no liăn cheăng ƀă mâu tơmeăm khoăng xúa pêi chiâk dâi kơmăi kơmok ki lĕm dêi 2 tơring tơdjâk troh mâu tơdroăng mơjiâng tơmeăm khoăng, troăng prôk, ‘mâi rơnêu  kơphô̆, kơmăi kơmok, pêi chiâk deăng ƀă hên ki ê tâi tâng kơxô̆ liăn ‘no ai 285 rơpâu rơtal liăn.

Gương tơplôu ƀă tơbleăng