VOV4.Xơ Đăng - Khu hnê mơhno mơjiâng tơdroăng tơkêa bro ‘’Mơgêi 10 hơnăm pêi pro Pơkâ Tơnêi têa 8 hneăng má XI ‘na troăng pêi ton xŏn gak kring Tơnêi têa tung rơxông nếo’’ ai roh hôp ƀă kăn teăng mâ khu pơkuâ cheăng Đảng kơvâ cheăng lêng Tơnêi têa, Kơ koan hnê mơhno má môi dêi Khu hnê mơhno ƀă kăn teăng mâ Tôh rah chêh ƀă Tôh kum tơdroăng cheăng ăm Khu hnê mơhno. Pôa Nguyễn Xuân Phúc, Kăn xiâm hnê ngăn tơnêi têa, Kăn cheăng tung Khu xiâm kal kí, Kăn pơkuâ hnê mơhno Mơjiâng tơdroăng tơkêa bro pơkuâ roh hôp.

Xông tơpui a roh hôp, Kăn xiâm hnê ngăn tơnêi têa tối nhên tơdroăng mơgêi Pơkâ tơnêi têa 8 ‘na troăng pêi ton xŏn tung gak kring Tơnêi têa tung rơxông nếo ai pơxúa kal khât. Xua mê, Tơdroăng tơkêa bro Tơbleăng Tơnêi têa thế hôm păng ‘nâng, kơtăng ƀă thế mơnhên tâi tâng tơdroăng châ tơƀrê pêi pro pơkâ, tơdrêng amê mơhno mâu tơdroăng ki hôm, ki tá hâi hôm, mâu tơdroăng ối pá puât, tá hâi tro, xiâm kối, pôu râng hnoăng cheăng ƀă mâu túa pêi ki rơkê tơtro. Tơdrêng amê mơnhên troăng prôk la ngiâ, pơkâ pêi, troăng gak kring Tơnêi têa tung rơxông nếo.

A Sa Ly tơplôu [ă tơbleăng