VOV4.Xơ Đăng - Hdrối mê, xuân a pơlê kong kân Đà Nẵng, pôa Nguyễn Xuân Phúc, Kăn xiâm hnê ngăn tơnêi têa, Kăn hnê ngăn Hô̆i đong tơdroăng cheăng lêng ƀă Gak kring hiăng troh pôu, séa ngăn hnoăng cheăng gak hbrâ rơnáu tơplâ tung Rôh Têt Lo hơnăm nếo Nhâm Dần 2022 dêi Khu xiâm pơkuâ ngăn Kuân khu 5. Tối nhên, Kuân khu 5 cho tíu pêi cheăng ki xiâm, 11 to kong pơlê, pơlê kong kân, ƀă 922 km troăng kĭng têa kơxĭ, pôa Nguyễn Xuân Phúc, kăn xiâm hnê ngăn tơnêi têa pơkâ thế Kuân khu pêi pro tro hnoăng cheăng gak, hbrâ rơnáu tơplâ tung pơla ai tơdroăng ôh tá tơniăn, gak kring tiô khôi hmâ ai tơdjâk troh tơdroăng cheăng lêng, gak kring dêi tơnêi têa.

Kăn xiâm hnê ngăn tơnêi têa pơkâ thế Đảng ủy, Khu pơkuâ ngăn lêng séa ngăn, pơtối pêi pro tro hnoăng cheăng tŏng kum Têt ăm mố đô̆i, rơpŏng ki ai troăng hơlâ tŏng kum, rơpŏng ai tơdroăng rêh ối xơpá a pơlê kong kân, malối cho a kơpong peăng kong ngo, tíu tơkăng kong, chuăn rơlố; pêi pro tro tâ nếo hnoăng cheăng ki pâ mơnê troh mâu ngế ai hnoăng, hnoăng cheăng tŏng kum mâu lêng.

Katarina Nga tơplôu ƀă tơbleăng