VOV4.Xơ Đăng - Kơxê lơ 11/2, a tíu pêi cheăng dêi kăn xiâm hnê ngăn Tơnêi têa, pôa Nguyễn Xuân Phúc, kăn xiâm hnê ngăn tơnêi têa tơdah kăn teăng mâ Mih ƀă Kăn teăng mâ Mexico pơtroh kơthô. Tơdah kăn teăng mâ Mih pôa Marc Evans Knapper pơtroh kơthô, pôa Nguyễn Xuân Phúc, Kăn xiâm hnê ngăn Tơnêi têa rơkâu  hâk mơnê Kăn teăng mâ hiăng châ pôa Joe Biden, Kăn xiâm pơkuâ kong têa Mih pơcháu hnoăng cheăng ki nếo ƀă hâk mơnê Kăn teăng mâ vêh nếo a Hà Nội.

Pôa Nguyễn Xuân Phúc, kăn xiâm hnê ngăn tơnêi têa tơdah Kăn teăng mâ Mih, pôa Marc Evans Knapper

Kăn xiâm hnê ngăn tơnêi têa khĕn kơdeăn khât Kăn teăng mâ tung pơla pêi cheăng tíu pêi cheăng teăng mâ Mih a Việt Nam hneăng hơnăm 2004-2007 hiăng veăng ‘no hnoăng mơnhông mơdêk tơrŭm cheăng péa tơnêi têa. Kăn xiâm hnê ngăn tơnêi têa loi khât hneăng pêi cheăng a Việt Nam, Kăn teăng mâ kô mơ-eăm hên tâ nếo tung mơdêk tơrŭm pơla Việt Nam ƀă Mih. Tơdah Kăn teăng mâ Mexico pơtroh kơthô, kăn xiâm hnê ngăn tơnêi têa rơkâu pôa Alejandro Negrin Munoz hiăng châ pôk pro kăn teăng mâ dêi kong têa Mexico cheăng a Việt Nam, hlối loi khât Kăn teăng mâ ki hiăng ai hên hơnăm pêi cheăng ‘na tơpui kâ kô pê klêi hnoăng cheăng pơcháu, veăng ‘no hnoăng mơnhông mơdêk tơrŭm cheăng tiah hmâ ƀă hlối tơrŭm pêi hên tơdroăng cheăng pơla péa tơnêi têa.

Gương tơplôu ƀă tơbleăng