Klêi pơxiâm hôp Rôh ôh tá xê hmâ rôh má 9 mâu kăn Kuô̆k hô̆i hiăng tơpui tơno a tôh ‘na tơdroăng tơkêa Luât ‘mâi hơ’lêh, tơ’nôm mâu tơdroăng dêi Luât Tơkŭm po Kuô̆k hô̆i ƀă Tơdroăng tơkêa Luât pơkâ chêh ƀă hlá mơ-éa pơkâ dêi luât (‘mâi hơ’lêh). Tơpui a tôh, pôa Lương Cường, Kăn xiâm hnê ngăn tơnêi têa tối nhên xiâm tơdroăng ki thế pro rế lĕm rah iâ mơngế pêi cheăng, vâ tơdroăng cheăng pêi xêt, tơƀrê, pơxúa. Tơdroăng tơkŭm rah nếo mơngế pêi cheăng ăm tơnêi têa tro tâ, tơƀrê tâ.

Vâ mơngế pêi cheăng ăm tơnêi têa pêi xêt tơbrê, pơxúa tâ, séa ngăn ối tơvâ dâng lối 5.000 luât ƀă hlá mơ-éa chêh tiô luât, tung mê ai lối 200 luât kal thế ‘mâi rơnêu, tơ’nôm. Kăn xiâm hnê ngăn tơnêi têa pơkâ thế tung rôh hôp ôh tá xê tiah hmâ rôh má 9 tơmâng a ‘mâi rơnêu 4 luât ƀă 5 tơdroăng pơkâ ki tơdjâk troh tơkŭm vâ tơbleăng tơdroăng Pơkâ 18.

Kăn xiâm hnê ngăn tơnêi têa pơkâ thế tơmâng ăm veăng hnê tối a tơdroăng tơkêa Luât ‘mâi hơ’lêh, tơ’nôm mâu luât dêi Khu tơrŭm cheăng Kuô̆k hô̆i ƀă tơdroăng tơkêa bro Luât pơkâ ƀă hlá mơ-éa dêi Luât (‘mâi hơ’lêh); tơdroăng ‘mâi hơ’lêh thế tơtro ƀă tơdroăng ai khât ƀă pơkâ thế khu kăn pêi cheăng lĕm tro tâ, rơdêi tâ.