VOV4.Xơ Đăng -  Kơxo lơ 22/9, a Tíu pêi cheăng dêi kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa trâm mâ mâu vâi hdrêng hriâm rơkê, teăng mâ mâu vâi hdrêng dêi 54 khu kuăn ngo tung lâp tơnêi têa veăng leh  mâu vâi hdrêng rơkê dêi mâu hdroâng kuăn ngo tung lâp tơnêi têa roh má 4 po a hâi kố lơ 23/9.

Kăn xiâm hnê ngăn tơnêi têa trâm mâ mâu vâi hdrêng dêi mâu kuăn ngo tung lâp tơnêi têa

A rôh trâm mâ, pôa Nguyễn Xuân Phúc, kăn xiâm hnê ngăn tơnêi têa tối  râk vế pêi pro tiô tuăn mơno dêiHồ Chí Minh kăn xiâm hnê ngăn tơnêi têa hneăng hdrối ‘na môi tuăn dêi rơpó pơla mâu hdroâng kuăn ngo, tơdroăng tơmâng kum vâi hdrêng mâu phô̆m xông kân, Đảng, Tơnêi êa ƀă kuăn pơlê đi đo tơmâng tŏng kum, ngăn tơdroăng kring vế, rak ngăn ƀă hnê mơhno vâi hdrêng, malối cho vâi hdrêng kuăn ngo, kong ngo, kơpong hơngế hngo, kơpong tíu tơkăng kong, chuăn têa kơxĭ, châ mơhno ing hên troăng rơhlâ, luât pơkâ châ tơbleăng pêi teăm tơdrêng, tơ-brê. Kăn xiâm hnê ngăn tơnêi têa tối nhên, ƀă vâ chê 16 rơtuh ngế, maâu phô̆m xông kân, vâi hdrêng, mê cho mâu ki xiâm tung la ngiâ dêi tơnêi têa, xua mê, Kăn xiâm hnê ngăn tơnêi têa púi vâ mâu vâi hdrêng hriâm kơhnâ, pơtâp ivá ai tŭm ivá mo lê̆m , pro xiâm krá tơniăn ăm tơdroăng mơnhông mơdêk tung la ngiâ.

Gương tơplôu ƀă tơbleăng