VOV4.Xơ Đăng - Pơtối tơdroăng cheăng a mâu kong pơlê peăng Hdroh tơnêi têa, kơxo lơ 19/1, a kong pơlê Tiền Giang, pôa Nguyễn Xuân Phúc, Kăn xiâm hnê ngăn tơnêi têa veăng leh ăm rơxế kơtâu kih thuât troăng xiâm tơdrăng lĕm trung Lương - Mỹ Thuận, ăm rơxế kơtâu tung rôh Têt Lo hơnăm nếo Nhâm Dần 2022. Troăng kân tơdrăng lĕm Trung Lương - Mỹ Thuận cho troăng kân ki kal ‘na troăng prôk tơkoh ƀă kơpong tơbăng kroăng Cửu Long ƀă Pơlê kong kân Hồ Chí Minh ƀă mâu kơpong tê mơdró xiâm peăng Hdroh.

A rôh leh, pôa Nguyễn Xuân Phúc, Kăn xiâm hnê ngăn tơnêi têa tối nhên, troăng prôk cho kal má môi ƀă kơpong tơbăng kroăng Cửu Long, ƀă tơdroăng tơkêa pro hrá pê klêi tung hên hơnăm bro hên ngế tô tuăn hêng hôu. Xua mê, Chin phuh hiăng ai pơkâ rơdêi tơleăng mơnhên tơdroăng pá ‘na liăn, ‘na mơjiâng pro dêi khu tơhrâ pro. Kăn xiâm hnê ngăn tơnêi têa xuân khĕn kơdeăn Grup Đèo Cả hiăng hnê mơhno pơkuâ pêi kơtăng, mơjiâng pro plâ hâi măng, tah mơnhên mâu pơkâ hdrối, tá tung pơla dế ai pơreăng, vâ ăm rơxế kơtâu tro kih thuât.

Gương tơplôu ƀă tơbleăng