VOV4.Xơ Đăng - Tung chôu phut sôk ro dêi hâi apoăng hơnăm rơnó hơngui Nhâm Dần, leh tơbâ 892 hơnăm hâi mơjiâng Đảng, pôa Nguyễn Xuân Phúc, Kăn xiâm hnê ngăn Đảng veăng leh ƀă tối tơbleăng a hâi leh “ ro rơnó hơngui a rêm tíu tung lâp tơnêi têa” hơnăm 2022. Tơbleăng a hâi leh, pôa Nguyễn Xuân Phúc, Kăn xiâm hnê ngăn tơnêi têa tơbâ rơkong hnê pơchân dêi Pôa Hồ Chí Minh, Kăn xiâm hnê ngăn tơnêi têa ki apoăng: “Mơngế Xuăn lơ Thổ, Mường lơ Mán, Jarai lơ Rơđế, Rơteăng lơ Bơhneá ƀă mâu hdroâng kuăn ngo ki ê, xuân cho kuăn cháu Việt Nam, cho nhŏng o môi tiah môi klêa kliâm. Pin rơtế hlâ rêh ƀă dêi rơpó, niên lơ pá xuân rơtế ƀă dêi rơpó phâi lơ kơklêa xuân veăng kum dêi rơpó’’, ƀă tối: Tơdroăng ki lĕm dêi hdroâng mơngế Việt Nam châ mơjiâng ing 54 to hdroâng kuăn ngo nhŏng o tơrŭm môi tuăn, hmâ ƀă dêi rơpó.

Mê cho môi khôi túa vêa vong ki  lĕm tro hên túa, ai môi tuăn ‘na rơkong tơpui, cho môi tơmeăm khoăng kơnía git dêi hdroâng kuăn ngo pin. Nhoăm môi hdroâng kuăn ngo, ki hdrối cho nhoăm ‘na mơhno túa lĕm tro dêi mâu hdroâng kuăn ngo ki mê. luât pơkâ tŏng kum hdroâng kuăn ngo dêi Đảng  hiăng pro tơ’lêi hlâu ăm tơdroăng rak vế ƀă pơtối mơnhông mơdêk ki phá tơ ê xêh tung khôi túa, vêa vong dêi rêm hdroâng kuăn ngo, hlối pro ăm  mơhno túa lĕm tro mâu hdroâng kuăn ngo tơrŭm ƀă dêi rơpó pro chiâng khôi túa, vêa vong Việt Nam krá tơniăn ƀă rế tơ-ƀrê.

Gương tơplôu ƀă tơbleăng