VOV4.Xơ Đăng - Thươ̆ng tươ̆ng Trần Quang Phương, Kăn cheăng tung tíu xiâm Đảng, Kăn xiâm phŏ hnê ngăn Kuô̆k hô̆i nếo troh lăm pôu ƀă pêi cheăng ƀă Grup pơkuâ Kơmăi kơmok – Viễn thông khu lêng (Viettel). Kheăn kơdeăn mâu tơdroăng châ tơƀrê dêi Viettel, Thươ̆ng tươ̆ng Trần Quang Phương mơnhên mâu tơdroăng mơ-eăm dêi Viettel tung pêi pro hnoăng cheăng mơjiâng tơmeăm khoăng tê mơdró ƀă tơniăn gâk kring cheăng lêng dêi Viettel.

Kăn xiâm phŏ hnê ngăn Kuô̆k hô̆i pêi cheăng ƀă Grup pơkuâ Viettel 

Tung kơvâ cheăng lêng, Viettel hiăng hriăn plĕng mơjiâng châ tơƀrê tơmeăm kơmăi kơmok cheăng lêng kŏng ngê̆ rơxông nếo, kum tơdroăng cheăng lêng tiô rơxông nếo. Kheăn kơdeăn tơdroăng mơ’no liăn cheăng a kong têa ê dêi Viettel, Kăn xiâm phŏ hnê ngăn Kuô̆k hô̆i tối mâu tơdroăng kố ôh tá xê kum tung mơnhông mơdêk cheăng kâ tơnêi têa mê ối mơjiâng um méa kuăn mơngế Việt Nam rơxông nếo, tơbleăng kŏng ngê̆ Việt Nam ƀă pú hmâ lâp plâi tơnêi.

Pêi châ tơƀrê mơ’no liăn cheăng kong têa ê dêi Viettel xuân veăng hên tung tơdroăng kring vế Tơnêi têa ing hơngế.

A Sa Ly tơplôu [ă tơbleăng