Tung chôu phut sôk ro tơdah Trung Thu, pôa Trần Cẩm Tú, Kăn hnê ngăn Đảng rơtế ƀă mâu kăn pêi cheăng hiăng lăm pôu ƀă hbru tơmeăm ăm mâu vâi o a pơlê SOS a Hà Nội. Pôa rơhêng vâ rêm ngế vâi hdrêng tơdah Trung thu hơniâp ro tung hngêi hơtôu, kơhnâ, hriâm rơkê. Jâ Bùi Thị Minh Hoài, Kăn xiâm hnê ngăn Măt trâ̆n tơnêi têa Việt Nam hiăng troh pôu, hbru tơmeăm ăm mâu vâi hdrêng dế pơlât a Hngêi pơkeăng Nhi Trung ương.

Tơpui kơ-êng, mơhnhôk mâu vâi muăn ƀă rơpŏng hngêi, jâ Bùi Thị Minh Hoài púi vâ mâu vâi muăn rĕng prêi lĕm, mo sêi; mâu rơpŏng hngêi đi đo rak vế ivá, mơhnhôk dêi rơpó, rơtế mâu vâi muăn tơkâ luâ pá puât, ƀlêi trâng ƀă pơreăng. Xuân tung rôh kố, pôa Trịnh Văn Quyết, Ngế xiâm pơtâng tối tơdroăng kal Tơnêi têa rơtế ƀă Khu kăn ki pêi dêi hnoăng cheăng hiăng troh lăm pôu, mơhnhôk hơlêm vâi muăn a Hngêi pơkeăng Nhi Hà Nội ƀă Hngêi pơkeăng Quân y 103.