VOV4.Xơ Đăng - Kơxo lơ 25/2 tiô chôu kong têa, leh tơdah pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa rơtế ƀă mâu kăn xiâm Việt Nam hiăng po kân krip a Tíu pêi cheăng dêi jâ Halimah Yacob, Kăn xiâm pơkuâ kong têa Singapore ƀă kơnốu jâ. Klêi leh tơdah, pôa Nguyễn Xuân Phúc  hiăng hôp tơpui ƀă jâ Halimah Yacob.

Kăn xiâm pơkuâ kong têa Singapore pơkuâ hâi leh tơdah kân krip kơ pôa Nguyễn Xuân Phúc, kăn xiâm hnê ngăn tơnêi têa

Tiô tơdroăng klêi hôp tơpui tơno ƀă Kăn xiâm pơkuâ kong têa Singapore, pôa Nguyễn Xuân Phúc, tơpui tơno ƀă pôa Lý Hiển Long, Ngế pro xiâm hnê ngăn kong têa Singapore ƀă hlối hlo tơdroăng tơpui ‘na mâu tơdroăng tơrŭm cheăng pơla péa khu xiâm, kơvâ cheăng dêi péa tơnêi têa. Hneăng lăm pôu kong têa Singapore rôh kố dêi pôa Nguyễn Xuân Phúc, Kăn xiâm hnê ngăn tơnêi têa kô veăng ‘mâi mơnhông tuăn loi kal kí, pro trâu  ƀă krá kal tâ tơdroăng tơrŭm tung hên kơvâ cheăng, djâ tơdroăng tơrŭm cheăng kâ pơla Việt Nam - Singapore pêi châ tơ-ƀrê tâ.

Gương tơplôu ƀă tơbleăng