Tiô tối ahdrối, lâp kong pơlê ai 317 tơdroăng tơkêa bro, tung mê, ai lối 100 tơdroăng tơkêa bro ki pơtối pơtroh tíu ê ƀă lối 200 tơdroăng tơkêa bro ki pơxíâm mơjiâng pro. Tâi tâng kơxô̆ liăn ki mơ’no pêi pro chía ton, ai vâ chê 140 rơpâu rơtal liăn. Tung mê, kơxô̆ liăn ki mơjiâng pro ai dâng 76 rơpâu rơtal liăn, kơxô̆ liăn ki tơnêi têa tŏng gum ai lối 58 rơpâu rơtal liăn ƀă 340 rơtal liăn ing tơdroăng ki pơkâ pêi pro tiô Pơkâ dêi 77 Kuô̆k hô̆i.

Khu hnê mơhno cheăng Đảng uỷ kong pơlê Khánh Hoà hiăng pơkâ tơdjuôm Đảng uỷ Vi ƀan hnê ngăn kong pơlê rơtế ƀă mâu  khu râ, kơvâ cheăng athế vêh mơnhên ki kal tơdrêng dêi tơrêm tơdroăng tơkêa bro, kơjo gum mơjiâng mâu tơmeăm khoăng ki kal, ing mê, veăng gum ăm kuăn pơlê châ tơ’lêi hlâu, tơdrêng amê hnối pêi pro tro tiô pơkâ dêi Tíu xiâm Tơnêi têa ƀă dêi kong pơlê hiăng mơ’no.