Vi ƀan kong pơlê Khánh Hòa hiăng mơjiâng Khu hnê mơhno tơleăng mơnhên mâu tơdroăng ối tơvâ tơvân tơdroăng chêl thiăn liăn ‘mâi xê̆n hngêi trăng tơnêi tíu ƀă Tôh pêi cheăng séa ngăn, hnê mơhno  tơleăng mơnhên teăm tơdrêng tơdroăng xơpá, hlối pơkâ thế mâu tíu pêi cheăng, kơvâ cheăng, kong pơlê xing xoăng mâu kăn pêi cheăng, hnê tối tơrêm tơdroăng tơkêa bro, ngăn mê cho tơdroăng pơkâ hdró kơlo pê klêi hnoăng cheăng.

Vi ƀan kuăn pơlê kong pơlê xuân hnê mơhno mơdêk hnoăng cheăng dêi mơngế ki ối a ko, pro iâ hâi khế hơnăm mơjiâng pro, mơhnhôk thế rĕng pro hlá mơ-éa ăm liăn, ƀă pơ’lêh liăn ing tơdroăng tơkêa bro hrá chiâng tơdroăng tơkêa bro  rĕng pê klêi. Kong pơlê Khánh Hòa pơkâ mơ-eăm xo liăn ngân châ lối 95% tiô pơkâ liăn hơnăm 2025, ăm liăn pêi tơdroăng tơkêa bro ki kal, pro xiâm ăm mơnhông cheăng kâ.